AI ilə tətbiq yaratmaq ? Google Opal ilə tanış olun

Artıq demək olar ki, bütün texnologiya şirkətləri kodlaşdırma prosesində süni intellekt alətlərindən istifadə edir və bu yanaşma sürətlə populyarlaşır. Bu yeni trendlərdən biri “vibe-coding” adlanır – kodlaşdırmanı daha yaradıcı və intuitiv hala gətirməyi hədəfləyən bir yanaşmadır.

Bu istiqamətdə öz alətini təqdim edən şirkətlərdən biri də Google olub. Şirkət, vibe-coding konsepsiyasına uyğun olaraq Opal adlı AI əsaslı alətini "eksperimental versiya" kimi istifadəçilərə təqdim edib.

Bəzi Opal üstünlükləri:

• İş axının tənzimlənməsi 

Proqram təminatı yaradarkən proqramçılar bir çox addımlardan, yəni iş axınından keçirlər. Opal-ın məqsədi bu addımları ola bildiyincə sadələşdirmək və vizuallaşdırmaqdır. İstifadəçi sadəcə hədəfini təsvir edərək, Opal vasitəsilə tətbiqini yarada bilir.

• Düzəlişlər etmək

Yaradılmış tətbiqlərin vizuallarında dəyişikliklər etmək isə həddindən artıq sadədir. Bu işi vizual redaktor vasitəsilə asanlıqla həyata keçirə bilərsiniz. Bu alət vizuallarda dəyişiklik və ya sorğulara əlavələr etməyə imkan verir.

• Paylaşmaq

Tətbiqinizi hazırladıqdan sonra onu başqaları ilə bölüşə bilərsiniz. Onlar tətbiqdən dərhal öz Google hesabları ilə istifadə edə bilərlər.

Opal təcrübəsinin təqdim etdiyi ən böyük üstünlük heç bir kod və proqramlaşdırma dilinin tələb olunmamasıdır. 

Eyni zamanda nəzərə çatdırmaq lazımdırki, bunu Canva və Figma kimi bir çox şirkətlər də edib, və Google onlar ilə rəqabət aparmaq üçün Opal ilə bazara giriş edir. 

Opal daha geniş auditoriyaya xitab etməyi hədəfləyir, gələcəkdə tərkibində daha çox yeniliklərin edilməsi və inkişaf etdirilməsi gözlənilir.